И мӗн пуян, тӑванӑм? Сывлӑх пуян.
Сывлӑх ҫул памасӑр ăҫта каян?
Чи пысăк пуянлăх вăл – сывлăх. Сывлăх пулсан – çын ĕçлет те, савăнать те… Çĕр çинче хăйĕн тивĕçне туйса пурăнакан çын пуриншĕн те тăрăшать: сывлăхне те çирĕплетет, ашшĕ-амăшне те хисеплет, çурт-йĕрне те çавăрать, çынна та ырă тума манмасть. Апла пулсан, кашни çын хăйĕн сывлăхне упрани кирлĕ. Çемье тĕрекĕ, ачасен пуласлăхĕ, çĕр-шыв малашлăхĕ – çирĕп сывлăхлă çынсенче. Шел пулин те, хальхи вăхăтра чирлекенсен йышĕ ÿссех пырать. Шăпах çак актуаллă темăпа 9-мĕш класра урок ирттертĕмĕр.
Урокра вĕренекенсемпе сывлăх çинчен калаçу ирттеретĕмĕр. Пирĕн сывлăх пирĕн алăра пулнине, ăна çамрăкран упрамаллине ăнлантарас тесе тĕрлĕ мелсемпе меслетсем усă куртăмăр: диалог, монолог, словарь ĕçĕ, текста тишкерни, палăртуллă вулав, ушкăнпа ĕçлени, кластер тăвассси, ачасен пĕтĕмлетĕвĕ. Ҫавăн пекех урок темине ăнланма валеҫу хатĕрĕсем (карточкăсем, ÿкерчĕксем) пулăшрĕҫ.
Вĕренекенсем çапла пĕтĕмлетÿ тума пултарчĕҫ: спортпа туслă пулмалла, телевизор умĕнче нумай лармалла мар, нумайрах хускану тумалла, шывпа туслă пулмалла, эрех-сăра ĕçмелле, уçă сывлăшра сывламалла, компьютер умĕнче нумай лармалла мар, кун йĕркине пăхăнса тăмалла, сиенлĕ йăла-йĕркесемпе усă курмалла мар, ирхине вăхăтра тăмалла, каçхине вăхăтра выртмалла, пирус туртмалла, организмшăн кирлĕ те усăллă апат çимелле. Ку вара, чăннипе те, савăнтарать.
Платонова В.В.
Сообщить об опечатке
Текст, который будет отправлен нашим редакторам: